जेव्हा दोन लोक लग्न करतात, तेव्हा ते त्यांचा हनिमून कुठे साजरा करतील आणि ते कुठे डेटवर जातील याची त्यांना जास्त काळजी असते, परंतु जेव्हा सेक्सचा विचार केला जातो तेव्हा प्रत्येकजण एकमेकांशी सोयीस्कर नसतो. तर नवविवाहित जोडप्याला सामोरे जावे लागणाऱ्या लैंगिक संबंधातील काही सामान्य समस्या आपण पाहणार आहोत.
नवविवाहित जोडप्यांमध्ये सेक्सची आवड थोडी जास्त असते, परंतु हे आवश्यक नाही की दोन्ही जोडीदारांसोबत ते समान असेल. प्रत्येकवेळा सेक्स करावं, असं पुरुषांना जास्त वाटतं. तर स्त्रिया त्यांचा वेळ घेतात, त्यामुळे सेक्स करताना एकाला जास्त तलफ असते, तर एकाला कमी.
भावनोत्कटता
भावनोत्कटता कधीकधी पुरुष खूप लवकर उत्तेजित होतात. आणि स्त्री संतुष्ट होत नाही. बर्‍याच वेळा, स्त्रिया मुद्दामहून उत्तेजित झाल्याचं दाखवतात, कारण त्यांच्या पुरुषांना कमजोर करायचं नसतं. ही एक प्रमुख समस्या असू शकते. काही स्त्रियांसाठी, भावनोत्कटतेपर्यंत पोहोचण्यास बराच वेळ लागू शकतो, ज्यासाठी योग्य सेक्स हवा असतो. त्यामुळे खूप संयम आणि समज आवश्यक आहे. याविषयी तुम्ही तुमच्या जोडीदाराशी बोलले तर बरे होईल.
कंडोम वापरा
तुम्ही तुमच्या पहिल्या रात्रीच्या आधी नियमितपणे कंडोम वापरला नसेल तर सुरुवातीला कंडोम वापरणे खूपच गरजेचे आहे. जोपर्यंत तुम्ही तुमचे कुटुंब वाढवण्याची योजना करत नाही तोपर्यंत गर्भनिरोधक वापरणे महत्त्वाचे आहे. काही पुरुष आपल्या जोडीदाराची संमती न घेता सेक्स करताना मध्येच कंडोम काढतात, जे महिलांना आवडत नाही.
नेहमी मूडमध्ये राहा
सेक्स करण्यासाठी तुम्ही नेहमी मूडमध्ये असण्याची गरज नाही. कधीकधी असे होऊ शकते की जेव्हा तुम्हाला सेक्स करण्याची इच्छा नसते. ही गोष्ट समोरच्या जोडीदाराने समजून घेतली पाहिजे आणि स्वीकारली पाहिजे. हे पुरुष आणि स्त्रिया दोघांसाठी आहे. जर दोघांपैकी एकाचा जरी मूड नसेल, तरी सेक्स टाळला पाहिजे, नाहीतर सेक्सचा आनंद घेता येत नाही.
अपेक्षा
व्हिडिओ पाहिल्यामुळे आपल्याला सेक्सची मोठी अपेक्षा असते, मात्र तशी अपेक्षा ठेवू नका, कारण व्हिडीओमध्ये दाखवल्याप्रमाणे होईलच असं नाही. तुम्ही पुस्तकांमध्ये वाचलेले आणि टीव्हीवर जे काही पाहता ते कल्पनेतून घडवलेले असते, वास्तव नाही.
