नातेसंबंध असे असावे की, व्यक्तीची वैयक्तिक वाढ होईल, मदत मिळेल, परस्पर आदर राखता येईल आणि एकमेकांना समजून घेता येईल. पण आजच्या काळात पती-पत्नी असो की, गर्लफ्रेंड-बॉयफ्रेंड, त्यांचे नाते प्लॅटोनिक असो वा कौटुंबिक असो, अनेकवेळा त्यांच्या नात्यात काही कारणांमुळे दुरावा निर्माण होतो. अशा परिस्थितीत व्यक्तीचे भावनिक आरोग्य आणि मानसिक आरोग्य बिघडू लागते. तुमच्यासोबतही असेच घडले तर त्या नात्याला टॉक्सिक नाते म्हणता येईल.
टॉक्सिक नातेसंबंध दुरुस्त करणे खूप महत्वाचे आहे, अन्यथा ते आपल्या जीवनास आणि आत्म-प्रवाहास हानी पोहोचवू शकते आणि असे वातावरण तयार करू शकते ज्यामध्ये सामील लोकांचा स्वाभिमान कमकुवत होऊ शकतो आणि सकारात्मक गोष्टींऐवजी ईर्ष्या निर्माण होऊ शकते. निराशा आणि शंका यासारख्या गोष्टी घडू शकतात. त्यामुळे आज आम्ही तुम्हाला अशा काही गोष्टी सांगत आहोत ज्या विषारी नातेसंबंधाचे लक्षण आहेत आणि तुम्ही त्या लवकरात लवकर सोडवाव्यात किंवा जर ते सोडवले जात नसेल तर त्या नात्यातून बाहेर पडावे.
पहिल्यांदाच रिलेशनशिपमध्ये आहात, तर मग या टीप्स miss करू नका
भावना समजत नाहीत
अनेक वेळा स्त्री असो की पुरुष, नात्यातील काही गोष्टी जोडीदाराला सांगता येत नाहीत. परंतु जर कोणी काही बोलले आणि समोरच्या व्यक्तीला ते समजले नाही किंवा भावना गांभीर्याने घेतल्या नाहीत तर हे देखील टॉक्सिक नातेसंबंधाचे लक्षण असू शकते.
नकारात्मकता
अनेक वेळा नात्यातील दोघेही एकमेकांना समजून घेण्यास असमर्थ असतात. अशा परिस्थितीत ते स्पष्टीकरण वादाचे स्वरूप कधी घेईल हे कळत नाही. यानंतर तुमच्या मनात सतत नकारात्मकता येत राहील आणि मग एक दिवस तुम्ही अस्वस्थ व्हाल, जे टॉक्सिक नातेसंबंधाकडे एक पाऊल असू शकते, त्यामुळे असे करणे टाळा.
तुमचे वैवाहिक जीवन आनंदी बनवायचे आहे का? या पद्धतींचा अवलंब करा
नियंत्रित करणे
हे पुरुष आणि स्त्रिया दोघांनाही लागू होते. जर तुम्ही तुमच्या जोडीदारावर नियंत्रण ठेवण्याचा प्रयत्न केला म्हणजे समोरच्याला तुम्हाला हवे तसे करायला लावले तर नाते तुटणे निश्चितच आहे. दीर्घकाळासाठी एखाद्याला नियंत्रित करणे चुकीचे सिद्ध होऊ शकते.
मत्सर वाटणे
पजेसिऊ असणे चांगले आहे परंतु अति स्वत्व आणि मत्सर असणे चुकीचे आहे. तुमच्या जोडीदाराला कोणाशीही पाहून तुम्हाला मत्सर वाटला किंवा तुम्ही अतिसंवेदनशीलता दाखवली तर तुमचे नाते भविष्यात टॉक्सिक बनू शकते.
पार्टनरला दिवसातून किती मिठ्या मारणं गरजेचं, पाहा आकडा आला समोर…
टीका करणे
हे खरे आहे की काही विधायक टीकांचा उपयोग निरोगी नातेसंबंध मजबूत करण्यासाठी केला जाऊ शकतो, परंतु सतत एखाद्यावर टीका केल्याने तुमचे नाते टॉक्सिक बनते.
एक गोष्ट धरून बसणे
समजा तुमचे तुमच्या जोडीदाराशी काही मुद्द्यावरून भांडण झाले आहे. आता अशा परिस्थितीत तुम्ही जर बोलणे थांबवले, जर तुम्ही ती बाब स्पष्ट केली नाही तर दोघांमधील अंतर वाढेल आणि जेव्हाही तुम्ही बोलण्याचा प्रयत्न कराल तेव्हा समोरची व्यक्ती तो विषय नक्कीच काढेल. अशा परिस्थितीत समोरची व्यक्ती चिडते आणि मग भांडण होऊ शकते. त्यामुळे गोष्टी नेहमी स्पष्ट ठेवा.
